Ka Meghalaya Director General of Police (DGP), ka Idashisha Nongrang, ynne da ong ko wa i takit yei chah pynyap uwa wan uiñke suwari na Indore, u Raja Raghuvanshi dang lai i chakhmat deiwa pynskem yei wym em che yow man ka mukotduma wa daw yaleh ka wym em thlu wa pai.
Da pyntip ko leh wa ki pulit da kreh ki yow pyntikna wa daw ye u Charge Sheet heipor wa biang.
“Waroh ki 5 ngut dang em ki ha kti ki pulit wei ka takit toh kawa dang lai chakhmat wei da yoh leh 8 sngi wow kset ki heiwa waroh i wym ye u sñiawthooh wym pu em bha che yeiwa jia da ye wow yoh jubab wei ym ieh ya iyi iyi khlem da khyndang yow man ka Case kawa skem sbak,” da ong ka DGP.
Hawa kylli mynnu u lai yah ya kini kiwa da chah pynbaad wa emkti wow pynyoo ki kammon da leh ki yei kaam, neiliang ka DG ong ko wym ye u ong deiwa tikna tangwa ye wow leh yeini mynstep ka sngi.
Ini i phah pynyoo kammon da jia ini namo ka Crime Scene Recreation ye wow pynman ha Parking Lot wa em hajan ka kchaaid Wei Sawdong, Sohra, iwa man leh yei thaw wa chem yei metyap u Raja na ka synrang wa em ha kani ka thaw.
Discussion about this post