Ki pulit ka West Garo Hills District da chimkhia ki ya ka Poster wa biah ha u chrot bordiñ hajan ka Law College, Araimile, Tura ynne ka sngi kawa da maham ya ki bru Garo deiwa phah yut chnong ki kawa da pynmih hei pyrtuid ka ISIS-K da u Aminur Islam uwa man kam u u Plain Belt Area Commander.
U SP ka West Garo Hill, u Abraham T Sangma da ong u wa ym em chem ya kani ka Poster wa da biah cha kiwi ki thaw wei ye u man wa yeini da leh chynnam da u bru næ ki bru wa chim kabu wow pyntieñ næ pynthut ya i chongsuk.
Da ong u wa ya kani ka Poster daw phah leh Forensic Analysis heiwa da ujor ya ka Case ha Araimile Police Station wei i takit dang lai i chaphrang wow kem ya kiwa emkti khnang wow pynchitom ya ki katkam ka aiñ.
Da kyntu u leh ya ki paidbah wa ymtoh u tieñ ki næ u chah yah bakla ha ki Social Media iwa ye u ktah yei chongsuk.
Chooh chooh da kyrpaad wa lada em iwon iwon i suba wow pyntip ki paidbah cha ki Police Station, Out Post, Beat House næ ka Police Control Room (PCR) ka Tura lyngba ki Mobile Number: 8837423053, 7005530510, 9089199064.
Heijooh i por da kular wa ki pulit u pynneh ki yei chongsuk hapoh West Garo Hills District waroh kawi.
Discussion about this post