Ka Khasi Students’ Union (KSU) South West Border Circle da pynsñiaw ko yei sñiawkhia wa joor hajrong i kynaad hapyrdi kiwa chong chnong ka thaaiñ khappood ka East Jaiñtia Hills heiwa da em leh i kam thaw heiwa ha kini ki sngi wa dep da hiar kiwa chong chnong cha yung krehkaam ka JHADC wa em ha Jowai yow wanrah i yasuk tangwa katkam wa tip ka seiñ i kynaad dang joor i wei ye wow poi chei maa lada ym chimkhia smat.
Da ong leh wa ini i maa toh hadooh kattæ kattæ iwa ye wow wanrah i mynsoo i yap ki para wa chong chnong.
Ka KSU South West Border Circle da ong ko wa ym em ko i thmu wow tuklar tangwa ym kwah wow jia næ joor i kynaad hapyrdi ki para snaam.
Da ong leh deiwa lai hiar kiwa chong chnong ka Huroi wa Lahaleiñ cha ka JHADC wei i wym bna ka Council wow pynbait yei kaam, da pynkuslai ya ka seiñ wa daw wanrah yei jia wa sñiawsih hapyrdi ki paradoh parasnaam.
Kamtæ da kyntu ya ka JHADC wow chimkhia ko yeini i kaam khlem pynslem de neibhah i bor chong ha ka Council katkam ka Sixth Schedule wei lada ym leh yeini ka seiñ daw chim ko da ka luti wa khor pyrchah ya ka Council.
Discussion about this post