Wa pynemkaam bakla,
Wow thied wow dai leh ka.
Mih sei jæd sei pra,
Wa pynemkaam bakla.
Mih i sih ka imlang sahlang,
Wymem de i ku chaphrang.
La ha chnong næ thaw kreh thaw khih,
Kani wa emdor wa chna bih.
U thiar u tyllu ka muna churia,
Hadooh wachlai u pyndap ya ka,
Dei wym chong hok wymchong ñia,
Wymtieñ yei pap u kit cha sangia.
Ong i ktien ki waheh kamni,
I hok lada chi kynriñ sñiooh donhi.
Dangye i u ksoh yei Pyrthai,
Em ka bichaar hok na bru ha Blai.
Wymem de u kheiñ ko yei sang,
Syllaad bait karu na phang.
Ki phlang ki ra’nem wa yap Sepai,
Yooh ko naphang khlem wyrai.
Katkam waman katni ki sngi,
Yap i hok u wadooh u wapli.
U wakhih du na kti ha ktien,
Yow tæ u kyrtem chadien.
Ksoh yei hok yow eh ka r’ngu,
Ham hun wow myntoi du myntu.
Wat lada pyntun ki ha ktien
Ong bait ya ki wymbien.
To jied jar i hok jar i ngait,
La pynbor kiwi ham ngait.
Ham hun du ynne u chlai ka kata,
Ya silet pathan phi chi rata.
Wa datoh i por i samooid,
Wow hiar ki wa yalam wakhooid.
Ong ki wa i toh kiwa maya Ri,
Wan khroh wan kjor ki ya i.
Du chisien san snem donhi,
Dawan biang ipor pynbiej ya i.
Saam poisa saam scheme kiru,
Ari ka sap pynbiej bru.
Yei hok yong phi kheiñkor ki,
Ham ieh wow thied ki phi.
Meitæ na-ai tæ da mynkna,
Lada elaad i wow synchaar ka poisa.
Discussion about this post