Yieñ O neibynta ki khynroo khyllood yow yarap ya ki wow sein khih ki: Wailad Shylla

Jowai: U Wailad Shylla kam u kyrtong wa daw yieñ na ka Jowai Constituency uwa man leh u boo kynsai yong u MLA ka 1-Nartiang Constituency da psiah u cha ka seiñ NPP ynnin ka 14 tarik ha ka yalang wa pynman ha Newhill, Jowai.

Hawa yaklam wa kiwa pathai khubor da ong u wa kam u khynroo ki phang wa emkaam dooh toh i dooh khih dooh kreh kiwa boon, da ong u wa boon kyruiñ ki cha ki kaam sorkar wei ym ye u e kreh sorkar ya waroh wei lada jop u, daw thooh laad u wa kammon u e sikai ya ki nadooh ki por wa lai skur ki hadooh wa i por wa lai College yow tip ki ya ki laad puræ kamjooh wow seiñkhih wei ini man i iwa ha khmat dooh i thong yong oo.

Da pteiñ u deiwa ong “Hadien ini emkaam leh ka sorkar wow yarap ko ya ki wow seiñ khih ki kam ki karkhana khian (Small Scale Industry) kiwa ye leh u pynyoh khih ya kiwi ki khynroo khyllood wei man ko leh ka wow yohnong ya ka sorkar neiliang ki dan wa khrong ko na kini ki kharkhana khian.

Da ong u leh wa heiliang i puræ puthi da yoo kam ha ka Kiang Nangbah Government College dang boon kiwa dooh u lai puræ wei daw thooh laad wow pynheh ya ka yow suk ki khynroo khyllood.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiliang won wa ka Civil Hospital, Ialong da ong u wa boon i duna ko wei wot tang ka ICU leh ym em ko kawa ktah bha ya ki manbei manpa wa haap lai ki cha Shillong ym du wow chah sumaar kamjooh leh ka puræ puthi heiwa waroh ka poisa wa pyllang ki da haap pynlut noh ya ka ka wa toh u pynlut hapoh ka District.

Hawa kylli ya oo wa kam uwa na yung u Sniawbhlang Dhar hadooh katwon ye u e i por cha ki paidbah, da ong u wa kam uwa dang sdang i chakri piadbah 100% boi ym ye tangwa 90% ye hi.

Hei yatoh won wa ki aiñ wow chna u wow yada ya ki paidbah da ong u wa daw pyrkhat ya ini wei daw yah luti hi ko katwa dang lai u cha khmat wow chakri ya ki paidbah.

I daw won wa pynman ya oo wow yieñ yaleh Election, da pyntip u wa kam uwa wan naka manyung wa dooh wa duk, wei nadooh dang lai skur u jooh chimbynta u ha kiwa boon ki kaam wei da embynta u leh haka Youth Parliament hapoh North East kawa chimbynta u wei da jop u la ar sien wei ym du kani da chimbynta u ha kiwa boon ki yakop heipor wa lai skur u ha JNV Mukhla wei dadep lai mihkhmat u leh kam u kynnah puræ ha Japan wei nadooh dang khian u leh da em u i thrang wow em bynta u ha ki kaam imlang sahlang.

Da pynkut u deiwa ong wa waroh i eh i khoo wa chem u kiwi ym toh u chem u maad ki wei kam uwa mihkhmat u pyntikna u yei ni.