Ym bien u CEM wow yachem yaklam yei chna thaw mane Blai ki Dkhar khlem da yoh bor ha Lakroh: JSU

Ynne ka sngi, ka JSU Syndai Unit hapoh i yahkhmat u President, u Pynshailang Suliang ryngkat u General Secretary, u Mebanri Suliang wa ki dkhot ka seiñ da lai booh ujor ki ha ka Additional DC ka West Jaiñtia wa ha u CEM ka JHADC hajrong i chna pyrchah aiñ ya ka thaw mane Blai ki Dkhar ha ka chnong Lakroh, West Jaiñtia Hills.

Ka seiñ da dep ko leh wow lai pait ya katai ka thaw ha u Wisu (Mar) uni u snem wei da lai ujor cha u Dolloi ka Elaka Satpator tangwa hadooh katni ym pu em yoo ya kiwon kiwon ki dak ki chin wei da khuslai leh wa deiwa leh yeini khlem da bood kyndon daw wanrah ko yei kynaad hapyrdi kiwa chong chnong.

Ka seiñ da pynsñiaw ko leh yei chrai neidaw wa u CEM ka JHADC ym bien u wow yachem wa ki dkhot yong ka seiñ wow yaklam wei phyllu hajrong ka phang wa ktah ya ka jaitbru. Kamtæ ka seiñ da e khublei ko ya u CEM ka JHADC neibhah wa da pynyoo u yei man u kam uwa dai ya ka jaitbru.

Related posts

Yoh myntoi ki 300 ngut ki warep ka Jaiñtia Hills nei e sikai ka DDUCC Wahiajer

March 29, 2026

₹50 lak e yarap u Sniawbhalang cha ka Sengkhihlang yow pynchna ya ka Office Building wa thymme

March 29, 2026

Ka seiñ da kyrpaad ko ya ki bor wa toh u pait nadooh ka District Council, ki bor District wow chimkhia ya ini i kaam khnang yow lait na iwon iwon i kynrum kynram wei lada ka sorkar wa ka District Council ym chimkhia ki, ka seiñ da klam che ko wym em ko iwon iwon i bahkhlieh lada mih iwon iwon i kynrum kynram hapoh ka thaaiñ.