U Speaker ka Meghalaya Legislative Assembly, u Thomas A. Sangma ynne sa chisien da kyntait biang u wow chah u yaklam yatai hapoh ka yung dorbar heiyatoh wa iwa jia ha kawi ka krem mooyong wa em ha Mynsngat-Thangskoo ka East Jaiñtia Hills District deiwa e daw wa kani ka kaam dang em ko hei bichaar namo man Sub Judice ko.
Ynnin u Ardent M Basaiawmoit da pyrchang u wow wanrah ya kani ka phang yow yaklam hajrong ini tangwa da chah kyntait wei ynne leh da yieñ biang yow wanrah biang ya kani ka jooh ka phang deiwa ong wa u deiwa e daw wa dang em hapoh i bichaar toh yow lait donhi ka sorkar wow chah dai sarom neibhah wot ki yung bichaar chah hi ki wow yaklam yeiwa tlot ki bor sorkar neibhah ka yaklam ymtoh chaphang ki sabut, i rai pynrem ya uwon uwon wei kiwa chong chnong em hok ki wow tip yeiwa jia.
Neiliang uwa yahkhmat ka Liang Pyrchah, u Dr. Mukul Sangma leh da yieñ u wow kyrchaan yeini i dawa, heiwa da ong u wa ka sorkar toh u kyrpaad ko ya ka yung bichaar wow chim ko dei bichaar wa kyrpang yeini wa dang dep jia heithaw wow kynthuplang wa kiwi ki PIL.
Neiliang u Speaker da e biang u yei jooh i daw wa ini i kaam dang em i hei chah bichaar wei neiliang u Chief Minister leh ynnin ka sngi dadep u wow e yei klam heiyatoh wa ini wa jia wei ini i rai yong oo wym cha u yatai man ko iwa khaddooh.
Kam wow pynkynmoo wa u Chief Minister ynnin hapoh ka yung dorbar da pyntip u wa dadep booh 62 tylli ki FIR wei da kem 7 ngut heiyatoh wa ini wa jia.
Discussion about this post