15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym chah de ka Twitter ya u Donald Trump

Advertisement ad1

Ka Twitter da rai ko wow pyndam syndon wei ym chah de ya u Donald Trump wow pynemkaam ya ka Twitter neidaw wa da tyngkheiñ u yaki kyndon kiwa pynemkaam heiwa da ong wa u Trump toh uwa pynchlur yei pyn awri-awra wei wow mynsoo mynsnam.

Ka Twitter da ong ko wa haka 8 tarik uni u bnai, u Donald Trump da khut u ya ki 75,000,000 ngut kiwa thap cha oo wow pynsñiaw yei sur yong ki, wei ym toh u chah pyndooh burom lane u chah leh chilliang ki ha iwon iwon i liang.

Hadien ini u Trump da thoh u wa ym lai u cha ka pynthymme President haka 20 tarik.

Kamtæ ka Twitter da ong ko neidaw wa joor wym em de i chong chnaaiñ hapoh USA iwa da wanrah leh yei lai toor wei psiah yabor ki paidbah wa kyrchaan cha ka yung dorbar ka ri, ka Twitter da kdaw ko wa ini iwa thoh u Donald Trump da pynemkaam da kiwa boon wow leh ki ya ki kaam wymman.

Da ong leh wa da leh ya ini yow lait u Trump wow pynchongchit bru biang haka sngi wa pdiang ya u President wa thymme.

Share this:
Previous

Da toh pynhaap yaka muna wa em Laptop wa Camera

Next

Daw pynman yaka National Youth Day ha West Jaiñtia Hills