Ka Dorbar Chnong Jarain Sutnga da pybna ko wa da khang wei ym chah ya kiwa nabaar chnong wow psiah ki chapoh chnong ha ka sngi snem thymme.
Ka Dorbar Chnong da khang ko u psiah chapoh chnong nadooh i janmiet yong ka sngi 31-12-2020 itæ nadooh ka 5:00 waje i wei u chah won u psiah nadooh i janmiet ka 01-01-2021 nadooh i por 7:00 waje i miet.
Ha kini ki sngi wa khang, u chah du ya kiwa wan emkaam wei kiwa emkaam bha tangwa hap wow paan bor na u Waheh Chnong.
Yeini da khang neidaw wa da jooh em kiwa nabaar chnong kiwa wan leh chongchit chapoh chnong ha i miet u snem thymme.
Da maham leh lada chem ya kiwon kiwon kiwa pynkheiñ ya ki hukum yong ka chnong, daw pynngat ya ki ha ki aiñ wa da booh da ka chnong.
Ini toh i pyntip wa wan na ka yung krehkaam u Waheh Chnong Jarain.
