Ka Pakistan da kyntait ko yei kyrpaad ka India wow chah ya ka lieñsuiñ u montri rangbahdooh ka ri, u Narendra Modi wow hær na suiñ yong ka (Airspace) manda lai u Modi cha United Stated of America ha kini ki sngi wow wan. Ka lieñsuiñ wa pynemkaam u montri rangbahdooh ka ri da tip pyrtuid ya ka kam ka Air India One (AI1).
I kyrpaad na ka India toh katkam ki kyndon krehkaam (Protocol) neibhah ka AI1 ymtoh kawa kit paidbah dei dor (Commercial) tangwa kawa kit ya ki bru wa kyrpang (VIP).
Da ini khang ka Pakistan ya ka AI1 daw pynsepai ko 45-50 min i por wow lai ko na Delhi cha Frankfurt (heiwa daw hiar ko wei wow pyndap phniang) neitæ won cha Houston, USA.
Ha uni u bnai hi ka Pakistan da kyntait ko ya kam ini jooh i kyrpaad heipor wa lai u President ka ri, u Ram Nath Kovind cha Europe.
Deiwa chah khang u hær na Pakistan ka AI1 u haap hær ko naa Mumbai-Arabian Sea (deiwa yait ya i suiñ ka Pakistan)-Muscat neitæ won cha Europe wei lada chah ka Pakistaan, ka AI1 u hær ko na Pakistan-Afghanistan-Iran-Europe.
Ka Pakistan da khang ko ya i suiñ yong ka ha ka 27 Thohlakhmi uni u snem hadien wa dat bom ki chipai Indian Air Force ya ka Balakot wei da wai biang ko yei suiñ yong ka ha ka 16 Naiynñiaw.
Source: Defence News India
Discussion about this post