theme-sticky-logo-alt
theme-logo-alt
Advertisement ad1

Ym chah sa ka Demthring yaki bru wa na baar wow psiah chapoh chnong

Jowai: Ka Dorbar Chnong Demthring, West Jaiñtia Hills District, kam chibynta wow yakhun ya i kjut khlam wa tip kam u COVID-19 (Coronavirus), ka Executive Committee yong ka chnong nadooh ynne ka 7 tarik da chim ko yaka rai wow khang ya waroh ki bru kiwa na baar chnong wow psiah u mih hapoh ka chnong Demthring, lait noh du kiwa yoh Car Pass na ki bor District.

Neiliang ka EC da ong ko wa kitu ki bru kiwa na baar kiwa emkaam hapoh ka chnong toh u paan bor chwa ki naka Dorbar Chnong.

Ka chnong da kyntu ko ya ki paidbah wow bood ryntih leh ya iwa phah yong ka sorkar nadooh wow pynemkaam yaki Mask wei wow yait nei tia cha jan ki bru wei wow yajngai uwi ya uwi yow yada na u khñiang COVID-19.

Kiwon kiwon kiwa lai lait ya ini, ka Dorbar Chnong daw ekti ko cha ka aiñ. Ini toh katkam ka khubor na u Waheh Chnong u K. L. Dkhar wa u General Secretary u M.S. Ryngkhlem.

Advertisement ad1
Share this:
Previous

Ka Africa ym man ko kam ka thaw wow pyrchang ya ki dawai: Dr. Tedros

Next

Khang u DC ka West Jaiñtia Hills yei pynbna chnong daki seiñ niam