Ka Jaiñtia Tribal Trader’s Association (JTTA) ynne da pynman ko ya ka yalang paidbah ha Dorbar Hall (warim) yong ka Dulong Dorbar Chnong heiwa ha ka yalang da rai wow pynman dei lai kjat namo ka Rally cha ka yung krehkaam ka Jaiñtia Hills Autonomous District Council.
Kani ka yalang toh wow klam neibynta ki dukan ha ka lawmusiang Shopping Complex heiwa da dawa wa waroh kiwa em Permit na ka Iawmusiang warim u yoh ki u chong ha ka Complex wa thymme.
Ha ini i lai paidbah da rah ya ya ka Banner wa thoh ya ki dak wym chah u wai ya ka Iawmusiang Complex kat wym pu dep pynbait ya ki kaam, kamjooh ki kot rben wa thoh ya ki dak wow dawa yoh dukan chwa kiwa chah kyrriah na ka Iawmusiang warim.
Manda poi ha JHADC da yachem kiwa heh ka JTTA wa u EM In-charge ka Market, u Bison Roy Iano.
Neiliang u Iatha Najiar hadien i yachem wa u EM da ong u wa i yachem da man iwa sñiawsuk heiwa u EM leh sñiaw u kamjooh hi wym e laad u wai ya ka Complex kat wym pu ye u pynbait yei kaam.
Da pyntip u leh wa em chiboon kiwa ym em de u su pynthymme ya ki Permit wei ya kani daw hap chim yukheiñ katwon ngut em ki kamjooh wow thooh laad kammon u ye u pdiang ya waroh kiwa ksoh Permit kiwa da chah tympra dukan heipor wa kyrriah.
Chooh chooh da ong u wa ka seiñ ym em pyrchah ko yei kreh ya ka Iawmusiang tangwa daw yaklam yeini i kaam sam chaphrang dei langær.
Discussion about this post