Ka VPP ynne hei yahkhmat u Damewanhi L. Rymbai, kam u Organising Secretary, da lai yachem ki wa u Commissioner & Secretary ka chnat Mining & Geology ka sorkar jylla yow tuklar u hajrong ki kyndon wa da pynmih heiyatoh wow tih mooyong namo ki Standard Operating Procedure (SOP) yow ye u yoh Prospecting License wa ka Mining Lease.
Ka VPP da ong ko wa kattu da dap 10 snem nadooh ka khang ka NGT, tangwa hadooh kattæ leh ym ye wow sdang u tih mooyong neidaw kini ki kyndon wa e laad du ya kitu kiwa mahajon kiwa tip kam ki High Level wow ksoh lut yei khih mooyong.
Kawi na ki daw toh wa ka sorkar Meghalaya da pynbna ko ya ka SOP wa emkaam yei thaw wa heh ym duna 100 Hectare yow ye u tih mooyong wei kam ki jaitbru ka jylla ym em kiwa em thaw hadooh kat deini lait noh ki kattu katni.
Kamtæ da ong wa kini ki kyndon toh kiwa man pyrchah aiñ wei kiwa da leh palat yei bor ka sorkar wot hadooh ka aiñ Mine & Minerals (Development & Regulation) Act, 1957 leh ym em ong ko wa emkaam yei thaw wa heh hadooh 100 Hectare tangwa iwa khian dooh wa heh i thaw toh 4 Hectare.
Ini leh man ko i jooh ya ka Ministry of Environment & Forest kawa da ong ko wa emkaam thaw 5 Hectare wot neibynta u mooyong.
Hajrong ini da kylli wa lada ini iwa leh ka sorkar ymtoh man i pyrchah ya ki paidbah kiwa khian bor yow lait ki wow tih mooyong katkam ka juk wa katni wow dawa wa emkaam 100 Hectare i thaw.
Discussion about this post