15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Ym em booddien ka sorkar yaka rai wow pynyoh ILP: Dr. Mukul

Advertisement ad1

Shillong: Uwa yahkhmat ka liang pyrchah ha ka jylla, u Dr. Mukul Sangma da ong u wa ka sorkar jylla ym em chimkhia ko lane booddien ko yaka rai (Resolution) wow pynyoh ya ka Inner Line Permit ha ka jylla, iwa da pynman ya ki seiñbhalang hapoh ka jylla wow sdang biang ya ki yakhih.

Da ong u wa hadien wa da chim ya ka Resolution, toh i kamram yong ka sorkar kamwa da kular wow pynyoh ya ka ILP deiwa pynkohngooh ya ka sorkar pyrdi. Da ong u wa ka Congress ka sñiawthooh ko wa ym sñiawchngaaiñ ki paidbah hadien wa ka sorkar India ka pynman aiñ ko ya ka Citizenship Amendment Act (CAA), wei da sñiaw wa da emkaam wow pynkrehkaam ya ka ILP neibynta wow yada na i wan buhai chnong ki bru kiwa na baar ka jylla.

Da ong u wa ka Congress ka da klam ko ya kani ka phang hapoh ka yung dorbar chna aiñ neibhah wa ka sorkar ym bna ko wow booddien ya ka ILP, wei da ong chooh chooh wa ka sorkar ym toh u yohthiah ko, tangwa toh u lai chakhmat deiwa tynrooh ya ka sorkar India wow e ya ka ILP.

Share this:
Previous

21 ngut kiwa dang yoh wa 20 ngut kiwa chait na u COVID-19 ha Meghalaya

Next

Tieñsar ki MDC ka UDF wa da sdang knieh ka sorkar jylla ya i hok ki District Council