Raliang: Katkam ka khubor wa da pyllait u Publicity Secretary ka KSU Laskein Circle u N.Sutnga da ong u wa chem jingeh ki paidbah kiwa lai emkaam cha ka State Bank of India, Raliang Branch neidaw wym em Branch Manager kani Bank.
Hei yatoh wa ini ka KSU da kyntu ko ïa ki heh watoh u pait ïa ka SBI hapoh ka jylla Meghalaya wow sñiawbha u phah Branch Manager noh cha kani ka bank khnang wa ki paidbah kiwa emkaam ha kini ki bank u yoh myntoi wei wow smat ki u pyndep yei kaam yongki.
Chooh chooh ka seiñ da ong ko wa boon ki khynroo kiwa ym em khih em kreh hapoh ka Block wei da wan ki boonsien cha kani ka Bank nei bynta wow kylli takit neibynta ki skim sorkar wa boonjait, kam ki Loan, tangwa du neidaw wym em Branch Manager duk ki u liwan thylli cha yung.
Ka KSU da pyntip ko wa da mut ko u lai ujor cha ka Regional Office ka SBI ha Shillong lada ym wan u Branch Manager hapoh ki ni ki Bnai.
Discussion about this post