Hadien wa poor ki khubor ha ki Social Media wa joor pynjakhlia kawi ka karkhana kawa pynmih Ethanol kawa man leh ka Distillery Unit wa em ha ka Export Promotion Industrial Park (EPIP), Byrnihat, neiliang ka Meghalaya State Pollution Control Board (MSPCB) da thung ko da ka Task Force yow lait pait lai sylli ha ka 29 tarik u bnai wa dep.
Neiliang ka MSPCB da leh ko da ka hi yeini khlem da em kiwa ujor hadien wa da yoo yei sñiawkhia ki paidbah.
Kani ka Task Force da lai ko cha kani ka M/s Umiam Distillation Pvt. Ltd. heipor kamwa 11:30 i step wei da chim yukheiñ ko yeiwa da pynmih napoh kani ka karkhana. Da kheiñ ya ka Particulate Matter (PM) heiwa da chem wa man ko hapoh iwa chah katkam ki kyndon aiñ.
Table 1 — Source-emission monitoring, 29 June 2026
| Sl. | Industry | Stack | PM (mg/Nm³) | Std. (mg/Nm³) |
| 1 | M/s Umiam Distillation, EPIP Byrnihat | Electrostatic Precipitator | 23.1 | 50.0 |
Permissible limits are as per the Notification under the unit’s Consent to Operate (CTO).
Da chem leh wa ki Pollution-Control Devices kam u Electrostatic Precipitator wa em ha ka Captive Power Plant wa u Multi-Effect Evaporator uwa em wa ka Zero Liquid Discharge (ZLD) System wa em ha ka Distillation Unit toh kiwa krehkaam.
Ka 580 KLD ZLD Plant leh toh kawa krehkaam heiwa ka um kawa dadep pynkhooid da pynemkaam ka hapoh ka Cooling Tower. Da chim leh ya ka nongmuna ka um ka wym pu em tba wa kawa dadep pynkhooid wei da phah wow Test ka.
Da pyntip leh wa ka Byrnihat kawa man kam ka Notified Non-Attainment Town hapoh ka National Clean Air Programme, da man ko kawa em hei pait wa khlem sangeh wa leh da ka MSPCB wei ha ki ar snem wa da lai, ka Board da pynmih hukum ko yow khang ya kiwa boon ki karkhana kiwa man kam ki Red-Category Unit ki wym em bood yeiwa da booh ha ki kyndon.
Da ong leh wa da pyrkhat yei chait i khiah kiwa chong chnong wei da pynrykhiñ yei pait i sylli yei krehkaam ki karkhana deiwa khooid.
Discussion about this post