Ym em chrot bordiñ thymme yow kylliang ya kiwa da sih ha Laskein

Ka HITO Laskein Area ynnin ka 23 tarik sngi da dawa ko na ka MeECL Shangpung Division wow kylliang ya ki chrot bordiñ kiwa da sih da pai hapoh ka chnong Laskein.

Ka seiñ da ong ko wa kini ki chrot bordiñ kiwa da rim da booh ki hei maa ya ki paidbah wa chong chnong lada wan u slap ka la’ær neibhah ye ki u pat ha ki yung bru wei daw wanrah i yei mynsoo wa i jia wa sñiawsih.

Neiliang ka yung krehkaam ka MeECL da ong ko wa ym em chrot de katni wei hap yang manda wan ka Scheme thymme tangwa daw pynchna (Repair) hi waroh lada jia wa pat syndet ki.

U President ka seiñ, u Nimainki Lyngdoh da yaklam u deiwa kylli wa lada ki paidbah smat su ki ya ka bai bordiñ tæ manda sih ki chrot bordiñ weileh wym kylliang smat ya ki.