15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym em COVID-19 ki 406 ngut wa wan thooh ka India na Wuhan

0 Comments
Advertisement ad1

Ka Indian Tibetan Border Police (ITBP) da pyntip ko wa hadooh ynne ka sngi waroh ki 406 ngut wa kynthup ya ki 7 ngut ki khynnah ym em ki ya u khñiang COVID-19 hadien wa sylli (test) ya ki.

Kini ki 406 ngut toh na ki 647 ngut kiwa da wan thooh ka India na sorbah Wuhan, China ha ka 2 tarik uni u bnai.

Kam wow pynkynmoo heini hadien wa wan thooh ya kini ki 406 ngut da khang kset ya ki ha i thaw wa kyrpang (Quarantine Facility), wa em ha Chhawla Camp, New Delhi.

Ya kiwi tawon won da booh ha Manesar hajan ka sorbah Gurgoan, wei ya kani ka thaw da pait da Armed Forces Medical Services (AFMS).

Neiliang ka ITBP da booddien ko yei man i long kini ki bru waroh nadooh wa wanrah ya ki ha kani ka thaw.

Chooh chooh da ong ko wa i sylli wa khaddooh (final test) da phah cha ki Laboratory wei dang yang ya ka bui (report).

Da kyrmen leh wow pynlait noh ya ki na kani ka thaw ha ka tayaw wow wan lada ym pynyoo dak wa phær i man i long yong i chait i khiah ki. 

Share this:
Previous

Khlaad noh ka Pynphriangly Tyngkan

Next

Wai u Phasmon yaka ATM wa nyngkong dooh ka thaaiñ Wapung