Uwa yahkhmat ka National People’s Party (NPP) uwa man leh u Deputy Chief Minister, u Sniawbhalang Dhar da ong u wa hapoh ka NPP ym em iwon iwon i huri hura, næ kitæ ki kynhun wa em wa u Chief Minister wei kawi won wa u Deputy Chief Minister.
Da ong u wym em iwon iwon kamwa mih khubor wa da em i pynkhih phylloh næ i yaphær i rukom pyrkhat ha ka NPP, wei waroh ki MLA toh kiwa yatylli hapoh ka NPP.
Heiyatoh wa ki MLA ka UDP wa ye ki u lai cha ka BJP, da ong u wym em iyi iyi wow yong yei kaam yung yong kiwi ki Party wei ym em iyi iyi leh i maa ya ka sorkar MDA-II.
Hawa kylli hajrong ka khubor hamsaya wow chimkti kam u Chief Minister, u Sniawbhalang Dhar da kyntait u deiwa ong wym em iyi iyi leh iwa sakhiat wei u Conrad Sangma daw pteiñ u kam u Chief Minister hadooh wa kut ka samoi krehkaam ha u 2028.
Hawa kylli, u Sniawbhalang da kyntait u leh wa em i tyrwa na ka BJP næ na kiwon kiwon ki MLA wow man u kam uwa yahkhmat yong ki. Deiwa ban joor wa ka sorkar MDA-II skem ko.
Discussion about this post