Heiyatoh wa i jia wa chah tympdung bomb ka thaw sah ki pulit namo ka Police Reserve Quarter wa em ha Khliehriat, neiliang u Montri Rangbah ka jylla da ong wa kam ini ym toh u jia i wei ym em mut wa da kha im biang ki seiñ kieñsuloi hapoh ka jylla.
Da ong u leh wa ka sorkar sñiawkhia ko ya ini wei kini kiwa emkti ha ini toh ki wakreh ka HNLC namo ki Overground Worker wei da leh yeiwa emkaam hajrong ini wei daw pyndep ya kiwon kiwon kiwa pynthut ya i suk i saaiñ.
Chooh chooh da ong u wa da pynjoor yei paitbniah wei wow lum yutip yow pyntikna wa kam ini ym jia biang i tangwa em ki por kam ini wadep da yohlaad i wow jia.
Heiyatoh wa i klam yasuk, u Conrad da ong u wa em ki kyndon wa hap ki wow leh deiwa pyndooh ya ki kaam pynmynsoo wei wow pyndem ya ki tiar yaleh wei iwon iwon i yaklam toh u man katkam ki kyndon ka riti synchaar ka ri.
