Ym em khana ka NHAI deiwa toh cha ka High Court yeiwa pynchna ya u sarok NH-6

Ka mukotduma PIL wa da yaleh da u (L) Kynjaimon Amse pyrchah ya ka National Highways Authority of India (NHAI) da chong bichaar biang ka heiwa u Amicus Curiae da wanrah u leh ya ka Report heiyatoh wa i lai pait u dei khmat yei pynchna ya u sarok NH-6 nadooh na Jowai Bypass chadooh Malidor.

Ha kani ka Report da ong wa pyn na ka Jowai Bypass da chem boon tylli ki thlu wa heh wa em chakhmat ka Petrol Pump. I rukom man u sarok ha ki thaaiñ Byndihati, Mynkre wa hajan ka SBI Lumshnong toh kawa sih bha heiwa heini leh da em boon ki thlu wa heh hapyrdi sarok.

Da em leh ki thaw wa mih ki naar Rod cha lait, ki Guard Wall wa da pra wa kiwi kiwi de.

Ha kani ka Report da ong leh wa em ki thaw wym em psiang wei da em leh ki thlu wa heh ha ki bynta ka yingkieñ Sonapur.

Related posts

Pynyoo ki muktiar ka EJH yei yahbakla ka Shree Cement kawa ong wym em khloo em um hei thaw tih moochuni

May 1, 2026

Lait 16 ngut ki koidi deiwa pynemkaam ya ki kot wa chna thok ha Mizoram

May 1, 2026

Ka Report da ong leh wa waroh kini ki thaw toh kiwa da emkaam wow pynchna smat.

Hajrong kani ka Report, neiliang ka High Court da ong ko wa waroh chi kattu wa e jubab ka NHAI lyngba ka Affidavit toh iwa bakla katkam wa da chem hapoh kani ka Report wa dang em boon ki thaw wa sih.

Neiliang u muktiar ka NHAI won da e jubab wa daw pyndep yei kreh wa dang sah ha ka 21-01-26.