U Symbood Montri Rangbah, u Prestone Tynsong da ong u wa ka sorkar da dep ko wow pynmih yei sñien wei kyntu ya ki paidbah wow man kiwa syndong bha manda baam doh.
Hawa yaklam wa kiwa thoh khubor ynne ka sngi, u Prestone da ong u wa ka sorkar lyngba ka chnat i chait i khiah, ka chnat Fisheries wa Animal and Husbandry da dep ko wow pyntip cha ki paidbah kammon wow leh ki.
Da ong u wa hap phi wow man kiwa syndong bha hawa baam doh masi, doh sñiang wa dakha tangwa ym em ong wow dam u thied doh tangwa emkaam wow sñiawthooh paidbah kammon u leh.
Da kyntu u leh ya ki paidbah wow bood ki ya kini ki kyndon wa da booh ka sorkar hawa pynkhreh yei baam beibhah katni da chem wa ki masi, ki sñiang wa ki dakha toh kiwa da em i wym man ha ki.
