U Labour Inspector ka Block Labour Office, Amlarem da thoh u cha u SDO ka Amlarem Sub-Division yow pyntip wa ymem ki Contractor wa da em License kiwa da Register ya kiwa kreh mylla napoh ka Amlarem Block yow lai kreh mylla cha ka jylla Gujarat hapoh ka aiñ Migrant Workmen Act, 1979.
Da pynche u leh wa yow yoh ya ka Labour License ya kiwa kreh mylla kiwa wan na baar jylla naka District Labour Office toh katkam ka Meghalaya Identification, Registration (Safety & Security) of Migrant Workers Act, 2020 kamjooh hapoh ka Inter State Migrant Workmen (Regulation of Employment & Condition Service) Act 1978.
Ya ini ye wow leh Online lyngba ka website ka sorkar deiwa lai ha www.investmeghalaya.gov.in. Ha kani ka website ki wakreh mylla ye ki wow pyndap lynbga ka Online Form yei pyrtuid yong ki wa kiwi de wa kynthup ya i dur wa kiwi ki kot ki sla wa emkaam wa kynthup ya ka EPIC, Aadhaar wa kiwi de ki kot ki sla wa yoh naka sorkar katkam wa kdaw ha katai ka website.
Hadien wa dep wow pyntikna ya waroh ini, kiwa yaleh Labour License daw yoh ki ya ka heidur ka PDF kawa ye ki wow chon (Print) wei kani ka License toh kawa krehkaam 6 bnai wei kawa hap wow pynthymme.
Ya kani ka License ye wow yaleh pyn da ki wakreh mylla hi ha ka website wa da kdaw haneiñ lyngba ka Phone yong ki, ki Laptop wa Computer wei lada ym em ki ya ini ye ki wow cha ki Common Service Centres (CSC) kiwa da dep wow yoh sikai kammon wow leh ya ini lane deiwa lai bait cha ka District Labour Office.
