Ym em klam u Amit Shah chi kyntien leh hajrong ka ILP hawa yachem wa ki seiñbhalang

Ynne ka sngi hadien wa da chah ya ki kattu katni ngut kiwa yahkhmat ki seiñbhalang ka jylla wow yachem ki wa u Montri ki kaam pohyung ka ri, u Amit Shah ha Shillong heiwa da chah leh ya ki wow e dorkhat ha oo hajrong ka ILP deiwa chah leh du ar ngut ki dkhot wow klam ki, neiliang u Montri da kylli u lada em kiwi de ki phang wow yaklam heiwa da yaklam hajrong u pood wa ki ktien hapoh ka jylla yow pynpsiah hapoh ka 8th Schedule.

Hajrong ka ILP neiliang u Amit Shah ym em e u ya kawon kawon ka kular wei ym em hi leh ong u chikyntien leh wei ym em ong u ya ki daw wa pynslem wei ym em leh ong u heiwon yieñ ka sorkar hawa yatoh wa ka ILP.

Neiliang kiwa yahkhmat da ong ki wa ini da pyndooh mynsien ko ya ki bru ka jylla heiwa da yooluti iyi re iyi hadien wa yang la kamwa ar snem wei ym em sñiawkmen ki yeini wei da man ko leh kamwa yoobeiñ ya ki tre ri ka jylla.

Neiliang ka KSU da ong ko wa ini i dawa ya ka ILP toh iwa da chim rai hadooh da ka yung dorbar chna aiñ ka jylla wei ini i yachem wa u Amit Shah ym toh iwa hun wei ym toh kamwa yooluti, deiwa ong leh wa ini ym toh de i sien wa nyngkong heiwa ynne leh da ap hi-eh u yeiwa klam i wei ym klam u deiwa che wei ym em ong u chi kyntien leh hajrong ka ILP.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Neiliang ka FKJGP da ong ko wa la le sien da yachem wei da man biang kawa ym e por wow klam tang uwi leh wei ym hun ya ini i yachem.

Neiliang ka HNYF da ong ko wa ini toh du i wan ke cha Sohra ym toh wow ap yeiwa emkaam ki paidbah heiwa da tuklar leh u Montri Rangbah uwa da ong wa hadien wa da klam uwi da biang, heiwa u Amit Shah da ong u ha u Conrad wa ya u pood wa ka 8^th Schedule daw bichaar ya ini. Ha ka dorkhat wa e hajrong ka 8th Schedule, u Amit Shah da klam u dei Hindi ya ki seiñbhalang wei ya ki leh da phah klam dei Hindi.

Neiliang ka GSU won da ong wa i yachem wa u Amit Shah man ko kawa jaw neidaw wa ap hi-eh u, deiwa pynsñiaw leh wa hanla ka jylla da em ko yei yada kam ka Sixth Schedule wa ka Land Transfer Act tangwa dang emkaam ya ka ILP neibhah ha kini ki sngi wa da dep, kamwa 800 ngut ki bru da lai chong buhai chnong ki hajan yong i thaw wa da em i chna i tei ki warim, wei yeini leh ym e laad wow yaklam.