Ynne ka sngi u MLA ka Jowai, u Wailadmiki Shylla da lai pait lai sylli u ya i pynkreh ya u sarok ha Jowai wei da hiar u leh ha Mynthong heiwa da sylli u ya i kreh ya u sarok.
Ha ini i lai sylli u Wailadmiki da synraan ya oo da u Executive Engineer ka PWD Jowai South Division, u RD Pakyntein wa kiwi ki sahep.
Ha ini i sylli da pait ya i rben i psiang, i chit (Temperature) i psiang wei da ong u wa ya u sarok wa dang siang thymme ha Jowai da siang katkam ki kyndon (Norms) wa da booh.
Da ong u leh wa i daw wa wan sylli wan pait u ya i kreh ya u sarok toh hadien wa mih ki khubor hamsaya wa ong wa da kreh khalær ya oo wei da pynche u leh wa neidaw u slap ha kini ki sngi wa dadep tæ da hap sangeh chwa i kreh wei katni i kreh da man iwa lai bait chaaid chaaid.
