I phah wai ka Ministry of Finance ka sorkar pyrdi ya waroh ki Bank ynne ka sngi Sunday hapoh ka ri India, ym em krehkaam i ha chnong Jowai heiwa waroh ki Bank man ki kiwa khang deiwa em ki dkhot ki seiñbhalang kiwa wan phah khang.
Hawa yoh u yaklam wa kiwa kreh Bank kiwa dang liwan da pyntip ki wa em kiwa wan yow phah khang ki. Ym tip tikna leh wa lada waroh ki Bank wai ki wei lada em ki wym em hi tang u wai leh.
Em leh kawi ka Bank kawa da phah wow wan kreh da ki bru kiwa na Guwahati yow lait ki tre chnong u wan kreh tangwa ya kani leh da phah khang ka.
I phah wai ya ki Bank ynne da ka sorkar pyrdi toh deiwa pyrkhat wow yarap ya ki paidbah wow pyndep yei kaam ki neidaw wa daw khang ki Bank le sngi deiwa pynman yakhih ka United Forum of Bank Unions nadooh ka 28 tarik hadooh ka 30 tarik uni u bnai.
I khang ki Bank da sdang i nadooh ka 26 tarik kawa man leh ka sngi chuti iwa mut da khang ki Bank san sngi.
Ka khubor wa da yoh da ong wa da em leh kiwa phah khang ya ki Bank wa em cha kiwi ki bynta ka Jaiñtia Hills kamjoh ha Khasi Hills, Garo Hills wa Ri-Bhoi.
Discussion about this post