U President ka National People’s Party (NPP) Meghalaya, uwa man leh u Symbood Montri Rangbah, u Prestone Tynsong da ong u wym em i kylla hapoh ka sorkar MDA-II, wot hadien wa ka NPP da biang pura ko yei boon paaid wow synchaar samen.
Da ong u wa ka thong yong ka NPP toh kamwa da em i pyrtuid MDA, wei u pyndep ka sorkar ryngkat wa waroh ki paralok kiwa da ya synrop lang nadooh wa sdang.
Hawa kylli hajrong i bhah kaam thymme hapyrdi ki Montri sorkar, u Prestone da ong u wym tip u iyi iyi hajrong ini neibhah toh ka kaam wa haap hapoh i pynlai u Montri Rangbah.
Hawa kylli chooh chooh, da kyntait u wow ong wa ka NPP daw pynpsiah ko ya ka Agatha Sangma kam ka MP cha Rajya Sabha.
Discussion about this post