U President ka United Democratic Party (UDP), u Metbah Lyngdoh da ong u wa phær bha ka Election Lok Sabha (MP) wa ki Election cha ki Autonomous District Council (MDC).
Hawa klam ynne ka sngi, da on u wa ha ka MP, ha waroh kawi ka Khasi-Jaiñtia da em du uwi uwa mihkhmat katwa ha ka MDC won da em hadooh 29 ki wow mihkhmat ha ka KHADC kamjooh ha ka JHADC.
Da ong u leh wa i mih boon tylli ki Party daw man ko i myntoi ya ki paidbah kiwa yoh wow jied na boon tylli hanla kattæ leh daw em bait kiwa jied NOTA hanla em 4-5 ngut ki kyrtong wa yaleh.
Heiyatoh won wa i ku ka VPP, da ong u wa ini daw e laad ko ya ki paidbah wow jied ki tangwa da pynrap u wa ki Party ri-loom won toh u krehlang ki yow myntoi ki paidbah.
Da kdaw u leh wa ki yurim ki Party ri-loom phær ki na kawi cha kawi khamtam na ki National Party tangwa ym em mut wa em i sñiaw yaphær jaitbru.
Da e nongmuna u leh wa manda boon tylli ki Party ri-loom daw wanrah pathan ko yei dooh myntoi wei kawa daw poi leh chei thut mynstep mankawi.
Da ong u leh wa ha ka Election ymtoh u em i tieñ næ i sarong tangwa waroh hap wow burom yeiwa rai ki paidbah.
Discussion about this post