15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ym em u pynmih map ka GSI ha u 2009, ong u RC Laloo ha Assembly

0 Comments
Advertisement ad1

Shillong : U Symbood Montri Rangbah ka jylla u Dr. Roytre C. Laloo da ong u wa ka Geology Survey of India (GSI) ym em u pynmih ko ya kawon kawon ka map ha u snem 2009.

Hawa jubab ynne ka sngi ha yung dorbar wa da wanrah da u MLA ka Rambrai-Jyrngam u K.P. Pangiang, u Dr Laloo da ong u wa ka map kawa da wanrah da u MLA ka Rambrai toh kawa da leh da ka tnat Department of Science and Technology, ymtoh kawa pynmih da ka GSI.

Da ong u wa ha kani ka map ym em u miat u che ko kahmtam ya ki thaw wa em ha khappood wa ka Assam.

“Ka sorkar Meghalaya da phah kot ko cha u Additional Director ka GSI hajrong ini heiwa da jubab ko deiwa ong wa ym em u pynmih map ko ha u snem 2009” da ong u Dr. Laloo.

Da ong u wa ka sorkar Meghalaya ym pdiang ko ya kani ka map neibhah wa waroh ki thaw wa yaknieh wa ka Assam toh u psiah bait ki cha Meghalaya.

“I pynmih ya kani ka map toh da leh khlem yakrehlang wa ka sorkar jylla wei da ujor pyrchah yeini” da ong u Dr. Laloo.

Da ong u leh wa “Nadooh u snem 1971 da em 19 sien wa ki Montri Rangbah ka Meghalaya wa ka Assam yachem ki hadooh 2012, katwa 12 sien ki Chief Secretary”, da ong u Dr. Laloo.

Da pyntip u leh wa ka sorkar Meghalaya daw booddien ko yeini waroh.

Advertisement ad1

0 Comments

Leave a Reply