U Phermeki Salahe na ka chnong Dkhiah West, East Jaiñtia Hills toh uwi na ki khloor uwa yalehke siat-khnam (Archery) wa da chimbynta ha ki lympung yalehke hapoh jylla wa cha baar jylla leh.
Ha kani ka kynti da ujor pyrchah u ya i thoh wa wa da booh (Post) ha ka Facebook Page wa tip kam ka Kyrmen Foundation heiwa da thoh wa da yarap wow e ya ki Scholarship, i esikai wa ki tiar heiwa da yoh u wow pteiñ ya ka yalehke siat-khnam deiwa chimbynta leh ha ka Meghalaya Games.
“Kamtæ neiliang yong nga, nga kwah O u pyntip wa ym em yoh yarap O iwon iwon na ki kamwa da thoh ha Facebook Page,” da ong u Phermeki Salahe.
Chooh chooh da pynche u wa yeini da leh u khnang wa kiwi ymtoh u kam donhi ya iwon iwa thoh ki khlem leh won yaki kaam, weiwa kiwa hayung yong ko kiwa da kyrchaan ya oo hadooh katni.
