theme-sticky-logo-alt
theme-logo-alt

Sahkut kari da ki kynta wa oor khyndaw ha u sarok Jowai-Amlarem

I oor khyndaw ha u sarok Jowai-Amlarem ha i bynta u sarok wa dang dep chna pynheh nadooh yingkieñ Treyongriang ter-ter dang pteiñ bait hadooh hynne ka sngi, heiwa ka Dhar Construction Company kawa chna ya uni u sarok da pynjan ko yaki pooh chi-loom yow pynkhooid yaki moo ki khyndaw wa oor cha sarok.

I oor khyndaw da wanrah i yei sahkut kari ha uni u sarok ynne i step neidaw wa da oor boon i khyndaw haki ar thaw.

Kamtæ ki kari wa sahkut daki kynta da lait won ki hadien wa ka pooh chi-loom da wan pynkhooid ko heipor 8:30 i step.

Heini i pynkhooid neiliang ka Company da yaleh ko u pynkhooid chwa kat yow lait ki kari u lai u wan.

Neiliang ki wakreh kani ka Company khana ki wa neidaw wa joor u slap ha kini ki sngi, wym em de kheiñ stiñ ki deiwa wan pait langær.

Share this:
Previous

Chah ktah kiwa lai wa wan ha thaaiñ Ratacherra nei joor i oor khyndaw

Next

Ym em u yoh yarap u Phermeki Salahe kamwa da kam ka Kyrmen Foundation