Ka Election yow jied ya u Chief Executive Member (CEM) ha Khasi Hills Autonomous District Council (KHADC) da booh wow pynman ha ka 30 tarik uni u bnai wei ha ini i jied thymme ya u CEM, u MDC ka VPP na Nongthymmai u Winston Tony Lyngdoh daw yoh suk u ya ka katai ka chuki khlem da em ka yaleh na ka Liang Pyrchah.
Katkam i pynbna wa da pynmih na u Lat ka jylla, i jied ya u CEM u man ko heipor 11:00 waje i step ha ka yung dorbar ka Council.
Ya kani ka Election u pynman hadien wa u Shemborlang Rynjah da hiar chuki noh u kam u CEM ka KHADC neidaw wym em chait bha u.
Ka VPP kawa em i boon paaid ha KHADC da rai ko wow pynyieñ da u MDC ka Nongthymmai, u Winston Tony Lyngdoh kam u kyrtong ha ka Election CEM.
Neiliang u Symbood Montri Rangbah ka jylla uwa pait leh ya ka chnat District Council Affairs (DCA), u Prestone Tynsong da ong u wa ka DCA da pdiang ko yei hiar chuki u Shemborlang Rynjah wei da pynbna wow man u kam u Caretaker CEM kat hadooh wa yoh ya u CEM wa thymme.
Discussion about this post