Ym em yoh tulop kiwa kreh ka NHM la ar bnai

Kiwa kreh ka National Health Mission (NHM) ha Meghalaya hapoh ka lama ka National Health Mission Employees Association of Meghalaya (NEAM) da pyntip ki wa ym pu em yoh tulop ki nadooh u bnai April 2026 hadooh kattæ wei ini ymtoh i sien wa nyngkong wa jia ini wei iwa da jia neipor cheipor.

Da pyntip wa neilang ka NEAM dadep ki wow yachem ya u Montri ka chnat i chait i khiah deilang u Director ka NHM ha ka 22 tarik uni u bnai yow khana ya kiwi de iwa chem chitom ki heiwa da yoh kular ki wow pynbait yeini hapoh kattu katni sngi.

Tangwa i wym yoh tulop hadooh kattæ da pynchitom hadooh wow su bai kari yow lai kreh kamjooh wow pyndap yeiwa emkaam ki man-ka-sngi.

Ka Association da ong ko wa da pyntip cha ki wa i daw wa slem u su tulop toh deiwa pynkrehkaam ya ka Aadhaar Based Payment System kawa da pynyabi wa ka SPARSH kawa da man ka rukom su tulop kawa thymme katkam wa da phah da ka Ministriy of Health & Family Affairs ka sorkar India.

Related posts

Dawa ka JNC wow kylliang ya ki chrot bordiñ ha Rangad

May 27, 2026

Kyntait ka NPP yeiwa pynbaad ka Congress wa em i piah i pra chwa i jied MP Rajya Sabha

May 27, 2026

Kamtæ da ong wa sñiawthooh yeini tangwa ka sorkar toh u pyntip chwa ko cha kiwa kreh chaphang kini waroh kiwa thymme kiwa ye u man kiwa pynmyntoi tangwa da man ko ka kawa chimpor hadooh wa da pynslem wow su ya ka tulop.

Da ong leh wa ka sorkar ym em e ko dei thoh lane pynmih Notification chaphang kani ka rukom su tulop wa thymme hadooh wa da sahkut ka tulop da ki bnai wei lada kamni da khuslai leh wa kani ka rukom wa thymme daw ye ko wow krehkaam khlem da thut ha ki sngi ki por wow wan.

Da kdaw leh wa kiwa boon kiwa kreh ha ki CHC, PHC wa ki Sub-Centre toh kiwa maad ya chiboon i eh i khoo heiyatoh wa ki kaam poisa poilaiñ neibhah em kiwa hap lai jngai ka luti cha ki chnong wa em cha palatsor ka Khasi, Jaiñtia wa Garo Hills.

Chooh chooh da ong wa katni da ku dor i phñiang, ki mar ki mata hadooh wa da chem chitom u pyndap yeiwa emkaam wei kiwa kreh ka NHM man ki kam ki chrot ka sumaar sukhær hapoh ka jylla heiwa da em ki palat 3000 ngut.

Hajrong ini da kyntu ya ka sorkar wow kyrchaan ya kiwa kreh wei wow pyntip chwa ko yow tip ki kammon wow pynkhreh wei wow pynlait noh leh ya ka tulop pyn ha kini ki kajiak sngi wow wan, lym kamtæ daw jied da ka luti wa khor.