Jowai : Nadooh ka 22 tarik uni u bnai ka yungkrehkaam u Deputy Commissioner ka West Jaiñtia Hills daw sdang noh ko ya ka e-Services wow e ya ki 6 tylli ki certificate kam ka Scheduled Tribe Certificate, Scheduled Caste Certificate, Certificate wow psiah kaam pulit, kaam chipai, Residential Certificate, Permanent Residential Certificate neibynta kiwa kwah u lai puræ wa kiwi kiwi.
Ini mut i wa ki paidbah ym emkaam de ki u lai cha ka yungkrehkaam u DC yow pyndap (apply) ya kini ki Certificate wei ye ki u pyndap ya ka form Online na ki phone, ki computer, ha ki Common Service Centers (CSC) wa ki Cyber Café wa em internet.
Hadien wa da dep pynkhreh ya ki Certificate daw phah da ki SMS yow tip ki paidbah wow li thooh ki ya kini ki Certificate yong ki.
Ka link wa ye ki paidbah u leh yeini waroh toh www.meghalaya.gov.in/megportal/edistrict tangwa ki paidbah wa em hapoh ka Amlarem Sub Division (Civil) ym ye ki u leh ya ini wei ya ki daw pynbiang da uwi tawan u link.
Ya kam kini biang ki kaam ka yungkrehkaam u DC da pyntip ko leh wa neini cha khmat ya ki exam DSC ym phah de da ki Call Letter neidaw wa slem ki u poi cha kiwa yaleh exam kamtæ ya ki Admit Card leh ye u yoh naka website http://westjaintiahills.gov.in/dsc.htm wei kiwa wan yaleh exam haap biah ki ya i dur yong ki hadien wa dep print ki ya ka Admit Card yong ki wei ya ka Seal daw chon ha ki sngi yaleh exam.
Discussion about this post