Ka JSU hawa yachem wa ka DGP ka jylla, ka Idashisha Nongrang ynne ka sngi ha Shillong, da e lang ko wa ka dorkhat leh kawa em boon ki phang kiwa yatoh wa ki kaam pulit kamjooh yow pynkhlan yei rukom pynkrehkaam ya ka aiñ.
Kawi na kini ki phang toh yow booh ya ka thaw wow leh ya ka Physical Efficiency Test (PET) wa Written Exam hapoh Jaiñtia Hills neibynta kitu kiwa yaleh kreh pulit neibhah boon toh kiwa dooh wa duk wei da man ko kawa sy’at bha wow lai ki chadooh cha Shillong kamjooh ka bai sah bai dem.
Neiliang ka DGP da pyntikna ko wa kiwa na Ri-loom Jaiñtia ym emkaam de u wan ki cha Mawiong næ cha Shillong wei daw ye u pyndep ha Sahpseiñ 3rd Battalion ya ka yaleh Physical Test.
Ka seiñ da kyntu ko wow booh leh sa ka thaw thoh ya ka Written Exam ha Jowai neibynta kiwa yaleh kreh pulit neibhah lada ka NTA ye ko u booh Exam Centre ha Jowai ymtoh iwa eh ya sorkar wow leh yeini heiwa ka DGP da ong ko wa daw chong pyrkhat yeini.
Sa iwi iwa da pynsñiaw ha ka DGP toh yei rta kiwa yaleh kreh pulit wym yahaap nadooh 18 hadooh 26 snem neibhah boon ha ini i rta dang lai puræ ki wei toh u pynyinsur yei rta chadooh 30 snem neibhah kiwa em cha ki thaaiñ palatsor ym ye ki wow pyndep yei puræ puthi hapoh dang 21 snem i rta wei neiliang ka DGP da ong ko wa daw pyrchang u yaklam wa ka sorkar jylla heiyatoh wa ini wa da e buit ka seiñ.
Discussion about this post