U Waheh Chnong ka Raliang, ha ka Wyrta wa da phah u, da ong u wa katkam wa chem neiliang kiwa chong chnong ka Raliang, ka Laskein CHC wym biang ko hei rukom sumaar ya kiwa kjut wa chitom khamtam leh heiliang ki tiar ki tar.
Da kdaw wa heipor wa lai kha khon hapoh kani ka CHC, ym jooh bien ki wow pynkha wei da e daw bait ki wym em Doctor wei em du ki Nurse wei da phah lai bait ki cha ka Dr. Norman Tunnel Hospital, Jowai.
Da e nongmuna leh yeiwa jia ha ka 3 tarik uni u bnai heiwa da em kawi ka manbei kawa da hap kha khon hapoh ka kari 108 wei manda poi ha ka CHC najrong wa slem ki u krehkaam, yei jakhlia i kha khon hapoh kari da phah ki Nurse wow pynkhooid da kiwa ha-yung wot hadooh hapoh Hospital leh i jooh hi da hap pynkhooid da kiwa ha-yung.
Heiyatoh won wa i leh Dressing ya kiwa mynsoo wa takha, da leh dei khñium dei thlia bait ki wym em u chimkhia ki katkam i kaamram yong ki wow leh ki neibynta ki paidbah, pynkut ka Wyrta na u Waheh Chnong, u Sanki Lamare.
