U Symbood Montri Rangbah ka jylla, u Sniawbhalang Dhar da ong u wa kattæ i man i long ha thaaiñ Lapangap toh iwa da jai-jai wei daw miat daw bha biang kamwa jooh jia ha kini ki kajiak por wow wan.
Tangwa heijooh i por da ong u wa ym pu em lai pait u ya kani ka thaaiñ kattæ wei ki pulit da em ki yow e i chngaaiñ ya ki paidbah.
Hawa klam ynne ka sngi, u Sniawbhalang da ong u wa i yaklam wa ka sorkar Assam daw pteiñ i neibynta wow pynbait ya u pood u ang. Wei da ong u leh wa i thaw wa mih i awri awra ha Lapangap ym jooh jia i nachwa neibhah ki Pnar lai rep ki ha katai ka thaw kawa haap hapoh Meghalaya tangwa em ki kattu katni kiwa ye u man toh yong ka Assam wei ka Regional Committee daw bichaaar ko hajrong ini.
Katkam i ong u Sniawbhalang, em ki thaw rep kiwa ki bru na Meghalaya rep ki cha ka thaw wa haap cha Assam wei em kiwa na Assam kiwa rep cha Meghalaya leh.
Kam wow pynkynmoo wa ynnin da em uwi u Karbi wa yap hadien wa mih i kynaad hawa kiwa chong chnong ka Lapangap lai ah ki ya u kba hadien wa dep u pynbait ka West Karbi Anglong District wa ka West Jaiñtia Hills District deiwa emlang ki pulit ka Assam wa Meghalaya.
Discussion about this post