Shillong: “U Dr. Donkupar Roy toh u bru u wym sñiawsuk wow tem ya ki rwai maya ri næ jaitbru hawa em kiwon kiwon ki yalang lada heipor Election næ yalang ka Party”, da ong u Chief Executive Member (CEM) ka KHADC, u Teinwell Dkhar uwa man leh u bru wa maya lok wa u Dr. Don hawa e u yei klam warom khaddooh ya u Dr. Don ha yung wa sah u ha Sohra.
U Teinwell da ong u wa uni uwa yahkhmat em u da iwi i rukom pyrkhat neibhah wa u Dr. Donkupar jooh ong u wa lada kwah phi wow maya ya ka jaitbru toh wow kreh chitom, puræ minot ha ki kyrdan puræ waphær waphær wei heitæ ym em de ki baar jylla ki mynder ri ki wow wan cha chnong yong phi.
Katkam i ong u Teinwell, u Dr. Donkupar sñiaw u wa ki rwai maya ri man ki du wow pynchongchit ya i thij i pyrkhat ki khynroo khyllood donhi.
Chooh chooh u Teinwell da ong u wa ka thong krehkaam wa hakhmat dooh yong u Dr. Donkupar Roy toh ka puræ puthi wei man u uwa smat wow yarap ya kani ka bynta ha ka jylla.
Discussion about this post