Ka Meghalaya Cricket Association (MCA) da wanrah ko chiboon ki pynkylla yow wai ki dwar ya kiwa yalehke ka jylla yow pynku ya ka yalehke kamjooh i khooid i kaam poisa poilaiñ.
Ka Apex Council wa khlieh da u President thymme, u James PK Sangma, da railang ki wow pyndam noh yei booh hadooh 35 snem i rta ya kiwa ye wow yalehke kawa man ka kyndon wa khanglaad ya kiwa yalehke wow mihkhmat ya ka jylla hanla dang man ki kiwa dang hoi wow yalehke.
Neini chakhmat u pait donhi yei sap kiwa yalehke wei katwon wa dang hoi ki.
Da pyndam leh yei khang wow chimbynta kiwa yalehke ha ki Tennis Ball Cricket, wei deiwa chah noh wow chimbynta ki ha kam kini ki jait yalehke daw yoh ki wow tip chooh chooh chaphang ka yalehke wei wow pynchlur leh wow yalehke.
U dkhot ka MCA uwa jooh man leh kam uwa jooh yalehke, u Mark Ingty da ong u wa da kwah wow pynchlur ya waroh ki jait yalehke Cricket khamtam ha ki District wa duna bha wa pynman da ki bol dieñ.
Deiwa tyrwa leh ki dkhot, u Mebanphira Swer wa u Chuba Marak, da rai leh wow wanrah ya ka Inter-District Under-19 Tournament neibynta ki chynrang wa ki kynthai.
Discussion about this post