15 49.0138 8.38624 1 0 4000 1 https://wyrta.com 300 0

Ym kheiñkor ka MeECL yei chitom ki paidbah : JSU Mukhap Unit

0 Comments
Advertisement ad1

Jowai : Ka Jaiñtia Students’ Union (JSU) Mukhap Unit, haka khubor wa da pyllait da u General Secretary ka seiñ u N. Sungoh da pynsñiaw ko yei mynsien wa khia yei wym kheiñkor ka MeECL yei ood i chitom ki paidbah ka dong Chnongthymme (Mukhap) yei dooh light ko kattu la le bnai tam.

“Nadooh u Naisaphra u transformer yong kani ka dong da yap u, wei hadien kattu katni sngi ka Dorbar Chnong ka Mukhap ryngkat wa kiwa kitkaam ka JSU Mukhap Unit da pyntip ki cha ka tnat hei yatoh weini cha ka MeECL (Distribution Division Jowai Division) heiwa da kheiñstiñ ko yeini hadooh katni iwa da ktah ya ki waheh khamtam ki khynnah skur” da ong ka seiñ.

Da chem leh ka seiñ wa ka bai light (Bill) hapoh kani ka dong ki paidbah da dep su lut ki ya ki bill yong ki tangwa ymtip neiyi i daw wa dang yap ka light hadooh kini ki sngi.

Ka seiñ da ong ko leh wa dei langær pynsñiaw ko yeini ha u SDO kamjooh leh ha u CEO tangwa da jubab ki deiwa ong wym em Tranformer thymme tangwa da yang ma yang ya ki hadooh kini ki sngi khlem mih soh iwa da ktah ya waroh khamtam ki khynnah skur wa pynkhreh exam.

Advertisement ad1

0 Comments

Leave a Reply