15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ym maap de ka Seiñraij Jowai ya kiwa klam beiñ ya ka Niamtre neini chakhmat

Advertisement ad1

Ka Seiñraij Jowai lyngba u President yong ka u O.R. Challam ynne ka sngi da pyntip u wa neiliang ka Executive Committee ka Seiñraij hadien i chong pyrkhat wa sani da chim ko yaka rai wa neini chakhmat ka Seiñraij Jowai wym maap de ko ya kiwon kiwon ki bru wa klam beiñ klam khlemakor iwa ktah yei sñiaw yong ki kam kiwa ngait ka Niamtre.

Da ong u wa i chah klam beiñ yong ki kam kiwa ngait Niamtre jia i neipor cheipor ha ki bru wa ngait ha kiwi tawon ki jait niam, wei waroh chi kattu ya ki bru kiwa klam beiñ ya ka Seiñraij da maap bait ya ki. 

Advertisement ad1

Kamtæ ha kani ka kynti da rai ko wa neini chakhmat u man noh ko kawa pynkhreh wow leh yeiwa emkaam neibynta u e kti cha ka aiñ ya kiwon kiwon ki bru wa klam beiñ heiyatoh wa i ngait Niamtre yong ki kamjooh ki dustur-riti. 

“Kam u President ka Seiñraij Jowai kamjooh leh u dkhot yong ka All Faith Forum haka jylla Meghalaya, daw rah yaklam O ya kani ka phang wei u man ko leh ka mat kawa emkaam tam,” ong u O.R. Challam.

Ka yurim wa skem wa i kam kiwa yahkhmat jooh ksoh i yei sikai ka niam ka rukom toh u maya yei yong i wei wow burom won yei yong kiwi. 

Heijooh i por kyntu haroh u ya kiwi won kiwa chong chnong ka jylla nadooh kiwa toh Article, ki Columnist wa neini chakhmat lada mut ki wow thoh iyi iyi heiyatoh wa ka riti dustur wa jooh sikai ki, næ ka niam ka rukom wow sñiawbha ki u yachem chwa wa kiwa yahkhmat ka Niamtre næ lai mih cha ka yung krehkaam yong ka Seiñraij khnang yow lait u em iwon iwon i wow ktah yei sñiaw ki khon ka Niamtre.

Share this:
Previous

Ha Jowai Police Station wan paan maap uwa thoh khlemakor yaka Seiñraij Jowai

Next

Da ki spah ngut kiwa chimbynta ha ka International Yoga Day na Ri-loom Jaiñtia