15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ym mano ki paidbah ya ki kyndon, u khang ya chibynta ka Iawmusiang hadooh ka 10 tarik

Advertisement ad1
Advertisement ad1
Advertisement ad1

Ynne ka sngi kawa man ka sngi wa le yong ki 10 sngi wa khoom wa kdoh ya ka Jowai wow yada na i poor ka khlam COVID-19 da man ko leh ka sngi wa da chah wow wai ya ki dukan dukdoh ha ki yaw ki haat khamtam ha Iawmusiang. 

Ha Iawmusiang da chah wow wai ki dukan nadooh ka 9:00 waje i step hadooh 4:00 waje i janmiet. 

Hei step da sakhi yei khynñia ki yaw khian ha Iawmusiang kam ha Iaw Chy’iap, Iaw Chor, Iaw Seiñraij, ka Iaw Poh Iawmusiang wa kiwi kiwi heiwa ki bru ym em de u bood ki ya ki kyndon yada na u COVID-19. 

Da sakhi wa em ki paidbah wa uiñ khlem Mask, ym em de wa bood ya ki kyndon yajngai iwi na iwi wei ini waroh da pynbor i ya ki bor ka District wa ka Dorbar Chnong Tympang Iawmusiang wow mih lai sylli ki wei wow pyn-eh ya ki bru kamjooh ki dukan wow bood ki thij ya ki kyndon yada COVID-19 kamwa da pynmih ka sorkar. 

Hei step da pyrchang leh wow pynkrehkaam da ka pali yow bood ya ki Odd/Even wow wai ki dukan tangwa kiwa boon hi ki dukan da wai ki kamwa jooh iwa da pynbor ya bor chnong wow phah khang chi bhah ya ki dukan yong ki. 

Neidaw wa boon kiwa tyngkheiñ joor ya ki kyndon yada ka sorkar, ka Dorbar Chnong Tympang Iawmusiang chirup wa ki bor District da rai ki wow khang noh ya waroh ki dukan ha Poh Iawmusiang (narood ka Iawmusiang Shopping Complex) wei kini ki dukan u khang ki hadooh ka 10 tarik uni u bnai. 

Hanlada da em ki kyndon wow khang yei kit palat pood ya ki bru ha ki kari kamai, da sakhi wa hapoh kawi ka kari da kit bait palat ya 4 ngut ki bru khlem em kiwa pynchitom ya ini i kit palat pood. 

Hawa yaklam wa u EAC ka District, u M.A. Challam da ong u wa boon hi ki bru toh kiwa ngait wei kiwa bood ya ki kyndon wei kyrmen skem u wa ki bru daw bood ki ya ki kyndon wow yada nei poor uni u COVID-19. 

Da ong u leh wa hanla wan biang ka khlam COVID-19 sa chisien leh tangwa ka sorkar u yaleh ko wow chah u wai ya ki dukan khnang wa ki bru ym chah ktah ware ki nei khang ki dukan. 

Share this:
Previous

Hukum ka sorkar wow pyndep hapoh 2 waje i lehniam ya kiwa khlaad

Next

246 ngut kiwa dang yoh, 177 ngut kiwa chait wa 6 ngut kiwa yap na u COVID-19 ha Meghalaya