Ka HYC da e khublei ko ya ki ar sorkar Meghalaya wa Assam wa da sdang ki u chimkhia wow pynbait ya u pood u ang wei da yooluti wa ha kini ki bnai wow wan daw ye noh u pyndep lut ya ini i kaam chwa wow dap 50 snem ka jylla.
Da e khublei ko leh ya ki Regional Committee kiwa yahkhmat da ki Rangbah Shnong, ki Syiem Raid, ki Sirdar, ki Syiem ki Hima Khasi hawa lai sylli wa kamjooh leh ki bru ka KHADC.
Ka seiñ sñiawsih ko leh wow yoo wa ha i lai sylli wa ki yalang ki Montri ka Assam rap pynyoo bor ki la ha West Khasi Hill District næ ha Ri-Bhoi District leh da yoo wa ka sorkar Assam rap leh payu waheh ko wei yeini ka HYC da beiñ joor ko neibhah emkaam i burom mar kylliang deiwa kyntu ya kiwa na liang Meghalaya leh wymtoh u man ki kam ki Trailer katwa ka Assam won kam ka Jeep.
Ka HYC da ong ko leh wa ha ini i pynbait pood toh u lai katkam ki Map, ki kot wa ki pood ki Hima Khasi ym deiwa rah-kti donhi.
Chooh chooh ka HYC da ong ko wa la man katwa man leh ym pdiang ko ya i pynbait deiwa rahkti donhi wow pynhaap ya ki thaw ki Hima Khasi cha Assam wei da beiñ leh ya ka Policy wow phah rah-kti khlem pait ya ka History wa ya i sakhiat wa toh ki thaw ki Hima Khasi.
Da ong wa ya i mynsien ka IOA & AA wa ya ka Paragraph 20 ka Sixth Schedule toh wow pynchong yurim bha hawa yaklam ya u pood.
