Kiwa kreh ka Samagra Shiksha Abhiyan (SSA) kiwa em hapoh ka All Meghalaya SSA Non-Teaching Staff Association da rai ki wow pteiñ yei yakhih chong kyllaiñ myngngor, wot hadien wa da yachem wa u Montri Rangbah ka jylla, u Conrad K Sangma ynne i janmiet.
Hawa klam wa kiwa thoh khubor, neiliang ka ka President, ka Jeniferjune Synrem da khana ko wa hadien i yachem wa u Montri Rangbah wa ki sahep ka chnat, da rai wow sdang ya kawi ka Committee ka wow bichaar yei dawa yong kiwa kreh SSA.
Da ong ko wa hadien i yachem wa Conrad, neiliang ka seiñ kiwa kreh SSA ym pu pynkut ki ya ka yakhih hadooh wa da yoh yei dawa, wei ya ka rai wa khaddooh daw chim lang wa waroh ki dkhot.
Da khana ko wa mynstep ka sngi daw chong yaklam bniah ki wa u Commissioner Secretary ka chnat puræ puthi uwa man u Chairman ka Committee ryngkat kiwi ki dkhot ka Committee wei daw phah ya ka rai cha ka sorkar.
Kam wow kdaw heini wa kiwa kreh SSA da sdang yakhih ki nadooh ynnin ka sngi, ha madan Malki yow dawa na ka sorkar jylla wow pynku ya ka tulop da 80% ya waroh ki Non-Teaching Staff.
Discussion about this post