August 16, 2021

Ym pu chah paidbah ha ka Behdieñkhlam 2021 ka Raij Mukhla

by Wyrta Staff

Advertisement ad1

I pynkhreh neibynta ka lehniam Behdieñkhlam yong ka Raij Mukhla da man iwa da lai chaphrang heiwa myntu u snem ka lehniam u sdang ko 17 tarik wei daw pynkut ha ka 20 tarik uni hi u Naisaphra.

Neidaw wa em ka khlam COVID-19, ya ka Behdieñkhlam daw leh deiwa bood ya ki kyndon (SOP) wada e ka sorkar lyngba ka yung krehkaam u Deputy Commissioner, West Jaiñtia Hills.

Ki wow embynta ha ka Behdieñkhlam da jied du kiwa dadep chim tika COVID-19 donhi.

Ya ki paidbah lada toh ki tre Raij namo ki lok naki Raij waphær waphær ym ye ki u wan neibhah wym pu chah ki aiñ ka sorkar u yalang paidbah chiboon ngut.

Kamtæ ka Seiñraij kyrpaad ko ya ki paidbah wow sñiawbha ki u krehlang ha kam kini por wadang em kani ka khlam wei ka Raij ngait skem ko wa lyngba kani ka lehniam u Blai Kynrad u khalah khatai u ya kani ka khlam kawa pyntieñ pynsmiej ya ka imlang sahlang yong i.

Kani toh katkam ka Wyrta na u General Secretary ka Sein Raij Mukhla, u T. Sumer.