15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym pu em chem ya ka bei waka khon wa chah rah haka um ha Shnongpdeng

Advertisement ad1

Ynne i step ka 14 tarik heipor kamwa 4 waje hadooh 05:30 da em i jia wa sñiawsih ha ka chnong Shnongpdeng, West Jaiñtia Hills heiwa ka lieñ wa chong ki 4 ngut ki kynthai da kylla ko heiwa da lait im 2 ngut katwa ki 2 ngut da chah rah um ki wei ym pu em chem hadooh ynne i janmiet leh. Kiwa lait da ye ki wow yimpa charood um.

Kiwa lait im toh ka Jill Swer (17 snem) waka Isynei Lymba (23 snem).

Advertisement ad1

Kini ki 4 ngut da thmu ki wow lai cha chiliang ka wah Umngot yow lai tong dakha tangwa manda poi ha iwi i thaw wa man kam ka khriang da kylla ka lieñ ki neidaw wa da khlan ware ka um heiwa yaka lien wa chong ki leh da piah ko nei bor wa rah ka um.

Kiwa dang wiar toh ki chi bei chi khon heiwa ka bei da tip kam ka Julias Lymba (27 snem) waka khon ko ka Tariang Lymba kawa 8 snem.

Kini ki 4 ngut toh kiwa chong chnong ka Shnongpdeng kiwa dang em yatoh heiwa ya kiwa wiar da wan ki bru ka F&ES, SRT kamjooh ki pulit wow thooh yaki wei ym pu em chem yaki hadooh wa pynmih ya kani ka khubor.

Share this:
Previous

Da pynman ya ka Naval Investiture Ceremony ynne ka sngi

Next

Booh kyndon ka RPF ya ki bru kiwa lai luti da ka rel