Ki pulit dang pynman ki yei takit heiyatoh wa i chah kawang Petrol Bomb ka yung krehkaam ka Meghalaya State Pollution Control Board (MSPCB), iwa da jia ha ka 3 tarik uni u bnai heiwa da chah kawang ko ar tylli ki Petrol Bomb dei sngi heipor wa dang man kreh.
Katkam wa ong u Superintendent of Police, u Vivek Syiem, ka takit hajrong ini wa jia dang lai ko chakhmat hadooh kattæ.
Kam wow pynkynmoo wa ha ka CCTV yong ka chnong Lumpyngngad, da yoo yeiwa em ki 3 ngut ki bru kiwa dapoi ha katai ka thaw heipor kamwa 12:30 i pyrdi sngi, kiwa da riam da ki sula rong yong wei da tymmoh bha yei dur khmat ki.
Na kini ki 3 ngut da em 2 ngut kiwa da psiah chapoh ka pchem ka MSPCB katwa uwi da yang u ha lait wei hadien kamwa 2 minit wa psiah ki chapoh da ye ki wow kawang 2 tylli ki Petrol Bomb wei da kut ki neini mar ya dep u leh yei kaam.
Da yut ki da ki ar tylli ki Scooty wa wan ki ki wym em Number.
Discussion about this post