Ki pulit da pyntip ki wa ym pu em kem ya kiwon kiwon heiyatoh wa i chah dat ki arngut ki khynroo kiwa na Kerala iwa da jia ha Jaiaw ha ka 24 tarik uni u bnai.
Ya ini da pyntip da u SP (City), u Vivek Syiem uwa da ong wa dang pynman ya ka takit yow tip ya kiwa emkti ha ini i kaam.
Da ong u wa i takit da lai i chakhmat wei da em iwa da sdang chem kse tangwa ym pu ye wow ong iyi iyi kattæ leh.
Hawa kylli lada kini toh ki dkhot ki seiñbhalang da ong u wa ini ym toh lada kiwa emkti toh ki dkhot ki seiñbhalang tangwa yow pynskhiat ya kiyi wa emkti.
Da em leh ka khubor wa ki pulit wym pu bien ki wow pyntikna wa da em kamwa soo ngut kiwa da chah rah yow chah kylli takit
Kam wow pynkynmoo wa da em kamwa 30 ngut kiwa da wan wow dat ya u Rejaz Sydeek wa u Sarath Thambi kiwa man kam kiwa chah sikai namo kia Intern ka Impulse NGO Network.
