Ym pu hun ka KAS yeiwa rai ka dorbar jylla u pteiñ leh wow dawa nadooh u Modi wow tipmit ya ka ktien Khasi

Shillong: Ka Khasi Authors’ Society (KAS) daw boodien ko wow tipmit ya ka ktien Khasi ha ka 8^th Schedule ka riti synchaar ka ri India hanlada ka sorkar da chim ko ya ka rai (Resolution) ha ka dorbar synrai wa dang kut wow phah cha ka sorkar India wow tipmit ya ka ktien Khasi wa Garo.

Hawa yaklam wa kiwa pathai khubor ynne ka sngi, u President ka KAS, u Dr. DRL Nonglait da ong u wa ka seiñ daw boodien ko yei dawa yong ka wei daw e yumut ko leh cha ka sorkar jylla ya ka luti wow lai ko yow tipmit ya ka ktien Khasi.

“I da e lut i ya ka yutip cha waroh wa da pyllang da ka KAS cha ka sorkar jylla, wei u boodien i leh wow e yumut cha ka sorkar lada emkaam wow rah cha Delhi lyngba ki dorkhat,” da ong u Dr Nonglait.

Da ong u leh wa kyrmen u leh u wa ka sorkar daw rah smat ko ya ka rai cha ka sorkar pyrdi ha kani ka kynti wow ap khamtam ya ka Ministry of Home Affairs (MHA) kawa da phah sylli ya ka ktien Khasi kawa da toh i hok wow em hapoh ka 8^th Shedule kamwa da booh da ka MHA.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha i jooh i por u President ka KAS da yaroh u ya ki MLA kiwa da ya tylli wow wanrah ya kani ka rai (Resolution) wa ryntih ha ka dorbar, khamtam ya u Lamphang, u Dr. Donkupar Roy uwa da chimkhia wow pynkohngooh ya ka sorkar wow wanrah ya kani ka rai ha ka yung dorbar.

U Dr. Nonglait da ong u leh wa daw phah ya KAS ya ka yong ka hi ka dorkhat cha ka sorkar India, wei wow yachem leh cha Delhi ya u Montri Rangbahdooh ka ri, u Narendra Modi wa ya u Montri kaam pohyung u Rajnath Singh wow e kti ya ka dorkhat.