15 49.0138 8.38624 1 0 4000 1 https://wyrta.com 300 0

Ym pu mylliñ ki 13 seiñ yei dawa ILP yong ki

0 Comments
Advertisement ad1

Shillong: Ka dhab ki 13 tylli ki seiñbhalang da pynsñiaw ki yei mynsien wa khia yei wym ap ka sorkar jylla wow booh ya ki kyrdop wow yada nei psiah tooh ki baar jylla wot hadien 4 snem wa ka sorkar da kular ko wow chna ya ki wow sonteri yei psiah i mih ki baar jylla.

U President ka Khasi Student Union (KSU) u Lambokstarwell Marngar da ong u wa ki 13 seiñ hadooh katni ym pu khylliap ki yei dawa yong ki wow pynkrehkaam ya ka ILP tangwa kwah ki wa ka sorkar u pynkrehkaam noh ko ya ini.

Advertisement ad1

Da ong u wa da em ya ki thaw wa da dep jied wa em hapoh ri-loom Jaiñtia tangwa ka sorkar ympu em u pynyoo dak ko hei yatoh wa chna ya ini.

Heijooh i por da kylli u wa kammon ka sorkar u sonteri ko yei psiah tooh ki baar jylla khamtam kiwa na Assam kiwa ye u yut chnong cha kani ka jylla.

Da pynbaad u wa ka aiñ Meghalaya Resident Safety and Security Act 2016 ym em yumut ko neibhah wa kani ka aiñ ympu em u pynkrehkaam ya ka wei ka sorkar da ong ko wa hadooh katni ym pu em u chna ya ki District Task Force.

Chooh chooh da maham u leh wa lada ka sorkar ym leh ko iwon iwon ki 13 seiñ daw chim ki da kiwi ki laad wow pyntikna ko wow krehkaam noh kini.

Neiliang u General Secretary ka HNYF, u Sadon Blah da pynrap u deiwa ong wa ki seiñ daw pynkrehkaam noh ki ya ki aiñ kam ym kam ki Political Agenda wow yada nei psiah tooh ki baar jylla.

Advertisement ad1

0 Comments

Leave a Reply